ကိုယ့်အကြောင်းကိုပြောပြရမှာ တော်တော်ခက်တာပဲ။ သိတယ်မဟုတ်လား၊ ကိုယ်သိတဲ့ ကိုယ့်အကြောင်းတွေ၊ ပြောပြန်ရင်လည်း ကြွားသလိုဖြစ်ဖြစ်သွားရော။ ကိုယ်လုံးပေါ်မှန်ရှေ့သွားပြီး ကိုယ့်ကိုယ်ကို အနုလုံ ပဋ္ဋိလုံ ဆင်ခြင်တာတောင် မကောင်းတဲ့ အချက်တစ်ခုမှ မတွေ့မိဘူး။ မှန်ထဲမှာ ကောင်းတာတွေချည်းပဲ တွေ့နေရတယ်။ ဥပမာ မိန်းမပျိုလေးတွေဆိုကြိုက်၊ မိန်းမကြီးတွေကသမက်တော်ချင်၊ ယောက်ျားလေးတွေက တိတ်တိတ်လေး အားကျ ကြတဲ့ ရုပ်ရည်သွင်ပြင်နဲ့ အရည်အချင်းမျိုးတွေပေါ့။ ဒီလောက်ဆိုခင်ဗျားတို့လည်း ကျွန်တော့ ကို မှန်းကြည့်လို့ရပါပြီ။ တစ်ခုပဲရှိတယ်၊ “မှန်” ဆိုတာမျိုးဟာ သူ့ရှေ့မှာရှိတဲ့ အရာအားလုံးရဲ့ ပုံရိပ်ကို ပြောင်းပြန် တွေချည်းပဲ ပြတတ်တယ်ဆိုတာပဲ။